Omuhanda gw’okutunga Parishi y’Abakristu aha Kerezia ya Rwenkobwa

$0.00

Category:

Description

Omu mwaka gwa 1957, Abakristu bʼomu byaro bya Kamwire na Kijongo bakaikirizana kutandikaho ekerezia ahari Rwenkobwa. Aha izooba ryʼebiro 14 Okwikumi 1960, ekerezia egyo ekakuzibwa kuruga aha idaara rya Hiika yaaba Senta, obwo eri ahansi ya parishi ya Ibanda. Ebiro 23 Okwamunaana 1983, ekereziya ya Rwenkobwa ekatunga Sakaramento ya Yukarisitiya eyaayebembiirwe Bishopu John Baptist Kakubi. Rwenkobwa niyo yaabaire eshemereire kutunga parishi ensya ahabwokuba niyo hiika kandi senta eyaabaire ebandize omu kyanga ekyo. Kwonka eki tikwo kyabaire, omu mwaka 2004 parishi ensya ekagaitwa ahari Katungu Ishongororo, ekintu ekitarashemeize abakristu ba Rwenkobwa. Eki kikongyera amaani kugumizamu turikushaba parishi ahabwokuba orugyendo orwabaire ruriho kuruga Rwenkobwa kuhika aha parishi enkuru eya Ibanda nʼorwokuza aha parishi ensya eya Katungu rukaba nirurenga kiromita 20. Abakristu, abashomesa bʼekerezia, hamwe nʼabantu abandi abaabaire bakiinemu amaani bakeegaita hamwe baayoreka omuhimbo obwo barikuhwerwa embabazi za Ruhanga. Bwanyima ebiro 14 byʼOkwikumi 2019, Akibishopu Paul Bakyenga akakuza Rwenkobwa yaagita aha idaara rya parishi kandi yaayoherezayo Fr Eleutherius Ngirabakunzi kugikurira.

Reviews

There are no reviews yet.

Be the first to review “Omuhanda gw’okutunga Parishi y’Abakristu aha Kerezia ya Rwenkobwa”

Your email address will not be published. Required fields are marked *